ليه قلبى عاصى
ونفسى راضية بالذنوب
وضميرى نايم ف العسل
والعقل رافض إن أتوب
بحقد على الكلمة
اللى بتصحى المشاعر
ف القبوب
تايه ف زحمة رغبتى
ف وسط شلال م العيوي
واحرت ف ٱرض الشر بحوافر جحودى
واطلق عبارات التهكم
لجل ما أعلن عن وجودى
واخدش حياء العفة
والبس أى توب
ملعون أبو الجهل اللى
بيفرش سكتى بشر النوايا
وحرض النفس المريضة
اللى شبة ع الخطايا
وطمع الشياطين ف قلبى
وسكنهم حشايا
تؤمر وتنهى وأنا المطيع
عبد للهوايا
يا رب أنا العبد اللى ضل
لسكتك كل الدروب
والعمر ولى وشمسه
بتميل للغروب
فهل يكونلى ف رحمتك
حفنة هدايا