صباح الفل يا قمرة
صباح الخير على عيونك
صباح الفل يا أميرة
وشمسه بتجرى ف جبينك
صباح الورد على خدك
صباح مشتاق يقول فينك
صباح طابع على خدك متين بوسة
صباح الخير يا محروسة
صباح الضى فى قلبك
صباح مرسوم على خدك
صباح الخير صباح نادى
صباح النور على بلادى
صباح مرمى ف أحضانك
صباح أخضر على غيطانك
صباح شقشق بلون الضى
وطير زقزق يقول أنا حى
صباح يحلف نصرك جى
صباح بيداوى مأساتك
صباح عربى صباح مسلم
صباح كونى
صباح يفرح كتير لما
يلاقى الفرحة ف عيونى
صباح وطنى ومسكينه
عظام شعبى اللى طحنينه
صباح يومى اللى متسير
وشعب ف ذله متحير
صباح إسود صباح أغبر
على الطغمة اللى ما سكينه