بحبك يا مصر وابرطع في خيرك
واحب سُباتك وزعقة شخيرك
يا واخده حياتي لآخر مصيرك
ما بقاش في حياتي إلا القليل
بحبك يا مصر وبسمع كلامك
عاشق ترابك وبايع حسامك
سلامك سلامنا سلامنا سلامك
قوام مدى غازك وكمان مدى نيل
بحبك يا مصر وما يهمكيش
وعمّال بجيلك وأنتى تيجيش
وكل أمّا اضحِّى انتى مفيش
ضعت يا مصر وتاه السبيل
بحبك يا مصر واحب اللى جابك
بعشق جنابه وبعشق جنابك
يا شاويه بدنا وسايقه عذابك
غرّق جنابه في ماءك يا نيل