بحبك يا مصر وأجيلك قوام
دا حب ترابك ونيلك غرام
واحب حكومة شدوا الحزام
بنشد يا مصر من ألف عام
يا مصر يا نازل فيك الكتاب
شاربين ولادك مر العذاب
وشعبك يحبك وعنك ما تاب
وبالع لسانه وعايش سراب
دانت يا مصر أملنا الكبير
وشعبك مبهدل مقندل أسير
فى عصرك حماصه أصبح وزير
ويرافق سيادته سعادة الأمير
ونعمل هيصه وانتخابات
ونصبح فيها وفيها نبات
وشيله وحطه وحبة حاجات
ويقعد سيادته سنين مش ساعات
نفسى نبدأ فكر جديد
عادل فيه حابب سعيد
ونقول يا حب هل من مزيد
سيحدث يا شعب إذا ما تريد