إفرح ياللا يا عم بسرعة
إفرح ياللا حفرنا الترعة
والتفريعة التامنه أهى فارعه
والخير هيعم على بلادى
إفرح ياللا يا عم براحتك
ياللا يا سيد شوف مصلحتك
لا انا طول عمرى ف مره جرحتك
وأموالى ملكك وولادى
ياللى عملت البر فضيحة
حفرت الترعه وقلت فسيحه
والدولارات جايه ع الريحه
والنهضه جايه ع الهادى
فاكر إنى هقولك شاطر
ياما حفرنا ترع وقناطر
ولو مش فاكر أرجع ذاكر
ياما قالوا لنا ايام أجدادى
قالوا ما ينفعهاش غير عسكر
طيب مالفرعون كان عسكر
قول لى يا فالح أيه اتغير
سواء ف الدلتا أو ف الوادى
إنت يا واد لساك حيوان
وكل مصيبة تقول إخوان
إرجع ياض خليك إنسان
يمكن ترجع لينا بلادى