حسرتين ياولاد بلدنا
حسره ليكو وحسره ليا
الشيطان على فين واخدنا
واللا مش فارقه القضيه
ياللى هُمّا بيسْحَلوك
ولسه برضو انت معاهم
دول يا واد قاتلين أخوك
وبيجرجروك تِمْشِى ف هواهم
إنت أيه؟ ملعون أبوك
إنت أيه يا واد حمار
واللا داير ف المدار
ياللى خبتك دى مزار
قول لى ليه طيب خَدوك؟
ياللى إنتو مفوضينهم
وانتو دلوقت ف سجونهم
إنت يابنى بجد عاقل؟
واللا لسه حمار وجاهل؟
اللى قالوا فَوِّضونا
هُمّا هما بيبيعوك
إمتى يابنى ف يوم تفوق؟
واللا تعرف ليك حقوق
لسه مخدوع بعد حتى
ما قعَّدوك فوق الخازوق؟
لسه واخدو بكل شوق؟!
نصيحتى ليك إياك تفوق