حبيبي يا قاتل ف نفسي الحياه
وقارف حياتي وتابع خطاه
يا واكل وشارب وقاتل معاه
بقينا خلاص في ديل الشعوب
قوانين تجينا ودايما علينا
تعبنا يا ناس قلوبنا حزينه
ودوبنا خلاص وبينا اللي بينا
وعن خيبتنا لا يمكن نتوب
حياتنا ضياع فقر وبلاوي
حوجه صراع غلب ورشاوي
وشعبي الحزين مداري متاوي
وكل ده عشان عيون الحبيب
بيقولوا بكره هتاخدوا كتير
وخيرك يا شعب هيبقي وفير
وحتي حماصه هيصبح وزير
ويا شعب موتك جاي عن قريب