حبيبي يا قاعد... امتى تفارق
يا ماسك ف كرسي عليه أنت لازق
ليوم القيامه...يا قاتل وسارق؟
تولى حرامي...وميت ألف مارق!
يتحكم ف قوتنا...بارد وصاقع
مجاري ف حارتنا وميت سم ناقع
وكله لبيتنا...مهادي وبايع
يا مخلي حالتنا.. مخاوف مهالع
ما دام انت قاعد هز..الهلال
معاك يا حبيبي بيحلى الوصال
مسيرنا فى يوم ننول..المنال
ونبقى بشر... أكيد احتمال
نشفت ريقي...بنادي عليك
لو كنت تسمع...لخدت بأيديك
لكن عِندك...عامي عينيك
ومهما أقول لك فيك اللى فيك
أقول لك يا سيدي...تسمع لغيرى
يا جاعل سلامنا...خيار ومصيري
ومخلي كلامنا...عهده وميرى
وحاطط ف بالنا فاطمه أخت ميرى
خلاص تعبنا...كلام وأغاني
تحيا الحبيبة...تعيش الأماني
يا واجع قلوبنا سنين مش ثوانى
من يوم ما جيت...نكابد نعانى
وحياة أبوك...كفايه حرام
أسيبك في قومى تيجي لي ف منام
وتنده عليا... أجيلك قوام
يا واخد مصيرنا...وقاتلنا انتقام