يا كفر نازل ع العباد
ضجت جروح
يا قهر هادد ف البلاد
برضو احنا روح
يا شعب حارب ف الفساد
دا النصر آتى
يا مصر ثورة ع النظام
والظلم قامت
ونفوسنا لا استسلمت للقهر
يوم ولا استكانت
والثائرين لو يندهوا ع النور
يواتى
يا ظلم قاسى ع البشر
مفيش رجوع
يا حق راسى دا القدر
مليان دموع
يا دين جميل يحيى النفوس
فداك حياتى
لحد امتى يا وطن يرضيك
سكوتى
أيامى شاهده ع التاريخ
والتاريخ مكتوب بخطى
والتاريخ زاعق بصوتى
يا وطن مهما انظلم هفضل
أغنى للحياه
وفى سبيل الله
أشتاق لموتى