الله أكبر
فى ناس كتير العفن
ساكن حشاها أكوام
والغل زى البارود
ينسف ويفنى أوام
لبسين وشوش الملاك
والخبث متخفى
والنظرة منهم تبيد
لميت سنة لقدام
الله اكبر على الظالم
وع الحاقدين
يستكترو النعمة
على الصاحب وع التانين
واقرب قريب يحسده
ويخوض ف أعراضه
وان قولت عيب اختشى
تبقى قليل الدين
جربنا كل الحلول
نحمى النفوس منهم
بخور وجاوى ودكر
والرقوة من عنهم
معدش غير معجزة
من ربنا المعبود
هو اللى قادر يزيح
يا رب دمرهم
فى ناس كتير ابتلت
ومش نافعها علاج
باعت أساس عفشها
والدين عذاب محتاج
ويعمل أيه قليل الحيلة
فى ديونه
والحزن ناقش جبينه
والناس تفكره تاج
مع السلامة يا جدع
سلم لى ع الأحباب
وقولهم صاحبى فوته
لما انتظرته وغاب
لا عرفت أودع حبايبى
ولا أقول لهم سلامات
والموت واقف منتظر
علشان يرد الباب
خلفت ليه الميعاد
وسبقت ف المشوار
طول عمرنا ف الطريق
صحبة وسكن ف الدار
طب كنت قولى ألحقك
أو حتى شاورلى
زى ما كنا زمان
فى شلة المعمار
خمسين سنة يا جمال
لالٱ يزيد ياما
ف العزبة أو ف البلد
والدنيا دوامة
ما فرقتيش يا جمال
أو خلفت ميعاد
وقولنا نفضل كدا
لحد يوم القيامة
كنت الصديق الصدوق
والأخ والصاحب
والجدعنة تعشقك
عمرك صاحب واجب
إيديك بتسبق
جميع الخلق لو لله
وكأن توب الشهامة
لك بس تتعاجب
سلم لى على سبق
وقولهم أنا جاى
لسة ف حسابى يا دوب
تكة ورشفة شاى
إذا كنت آخر صديق
لسالى وفارقنى
إزاى أحس الحياة
قولى يا صاحبى إزاى