ومين فينا اللى كان جانى
وخلا الحزن مالكنى
وبعنى واشترا فيا
وساب الفكر هالكنى
مكنش نصيب ولا مقدر
ولا حظى إن افارقكم
لكن عطشان وحارمنى
ٱدوق مية ٱبارقكم
وعيشت غريب ما بين ٱهلى.
وكنتوا بتنكروا ذاتى
ٱنا اللى عشان محبتكم
نسيت ف الزحمة لذاتى
فسيبت دياركوا والخطوة
شايفها ع الطريق ضالة
وتاه قلبى اللى كان شمسه
بتغزل من النسيم ضلة
نسيتوا عشرتى وبعتم
كرهتوا حتى ناس بيتنا
يفيدكوا بٱيه عذاب قلبى
ونار الفرقة نسبتنا
وقولت الٱه ورا التانية
وقايل قبل منها متين
ٱصبر نفسي ع الوحدة
وفاكر قلبى لسة متين
لقيته ف بعدكم فاتني
يدور عن مطارحكم
ولف بلاد وراها بلاد
وقاصد بالخطا ريحكم
نويت والنية مفروضة
من القلب اللى عاشقكم
ٱلف دروب على قدمى
وأشوف مين غيرى عشمكم
وعكر صفو ٱيامنا
وشوه صورتى ف عنيكم
وحرضكم على قلبى
اللى عاش العمر يعانيكم،
طويت الحزن ف ضلوعى
وحابس دمع ٱجفانى
ٱخطى الخطوة والتانية
والاقى التالتة رجفانى
ٱنادى وصوتى يتحشرج
ويتلعثم ف ٱناتى
لا قادر امد ف الخطوة
ولا انتوا حبستوا إهناتى
ٱمانة ياللى بعتونى
إشتريتوا بقلبى كام مسكين
وانا اللى كنت متعشم
وفاكر ف الفؤاد ماسكين