رتب حبابيك يا بطل
رتب حبابيك يا بطل فوق الورق
حسب الحروف
واكتب بيدك لسته سودة وانسى الظروف
إن كنت عاقل وعندك مروءة.
قوم اعمل أجندة وعد الوجع...
من الأخ..والصاحب.. واللي مهواش مألوف
واجعل تحت كلمة خط احمر
واكتب جو هوامشك كل صالح
كل تالف... واللي ماليه معروف
الدنيا صبحت كده. واحد تالف و...التاني مألوف
والتالت ماليه مثل ولا ليه مألوف
يا ما كلام كتير انكتب وكان للعين مكشوف...واليوم.تحت التراب مجروف
وإن كتر الوسخ في الودان
شوف صاحبك تلاقيه ملفوف
وتمكن تبدل الحال وصبح خروف
رتب حبابيك فوق الورق.حسب الحروف.
وإياك تماشي عجل. لب رأسه مخلوف
الدنيا صبحت مصلحة.واحد بفكة.
والتاني تعد ليه مظروف.
قضيت العمر أحلب بنات فكري.
واضرب بفاسي في الحجر يصرخ.
ويقول يا عمنا كون معانا رؤوف
دا العمر عدى... وولى... وفات.
وابن الابالسة ما تمر فيه معروف.
رتب حبابيك فوق الورق.
حسب الحروف