هامت بي
الدنيا
هامت بي الدنيا وانا اليوم موحود
اقلب همومي ياعساها تحولي
لاقلت هان الوقت يزيد به زود
عمري قضيته وانتهى اليوم زولي
مالي على الايام حكمن ولاذود
ولالي مشاكي يفهم اليوم قولي
واصبحت طايح فالذرى شبه موجود
وابكي صويبن ماليه من يعولي
مثل الغريب المبتلي وده يعود
لديرة اهله والصعايب تحولي
وحال الغريب يهون من حال مصدود
طول العمر مقهور وطايح ذهولي
عاش الفراق وعاش تايه بلا حدود
عاش الهنا لحظه وحزنه يطولي
عايش يتيمن في حياته وموحود
يفرح بطيفن زايرن مايطولي
يالله عسى أيام الهنا مالها حدود
وكل الشقا والضيم عنه يزولي