الفاطر اللي خيبت هقوة الزول
ركض وراها لين ولى زمانه
حاول عبث يضرب بها العرض والطول
لكنها صدت وهدت كيانه
اكذب من السرعة برجلين مشلول
يركض ويركض ما تعدا مكانه
مرّت سنه والحول محتاج له حول
مع الأسف ماله مع الوقت خانه
هذا الزمن ما ضنتي فيه معقول
إلا اللذي تبقى معاه الحصانة
والاجودي ما له مع الناس محصول
عثى الجراد بكل زرعه لعانه
جاهد وحاول يصنع لنفسه حلول
لكن لقا المفتاح باب الإهانة
حطّم قيود الحلم واجتاحه الظول
حتى الحلال اللي يحفظه أمانة
ما يملك إلا بو وعقال وسمول
وصرخة حدا اللي عشقها لسانه