ياشاعره وين المشاعر والشعور
ماغير افكر فيك واكتب بك شعر
قبلك احسب اني على الشده صبور
لين انهزمت من المواجع والسهر
ماعاد يعني شي تصفيق الحضور
وشلون يطربني وانا ميت قهر
ودي اقول الحق لو فيها غرور
انا المحيط اللي هزمه جدول نهر
من غيبتك ما عشت ب افراح وسرور
الا اكثر ايامي بها حزن وكدر
اشكي هموم القلب لاسراب الطيور
واقعد ليالي انتظر منها خبر
ماجاء خبر منها ومجنونك صبور
ماعاد له في غيبتك الا الصبر