يا بنت ماجيتك مدور تعاليل
إن خان غيري بعت عمري ولا خنت
ب اسطبلي أجمل ما كسبته من الخيل
قضيت من فرض الصلاة وتسننت
ماشي على درب الرجال المشاكيل
ما أذكر إني قلت كلمه وهونت
وان حدني وقتي لشرب الفناحيل
عيبٍ عليه اتقي يوم بيّنت
واللي يغنّي وسط راسه مواويل
مهما قسى يلين راسه ولا لنت
ما حركو شعره براسي رجاجيل
ولا اكون اخو نوره إذا تهزني بنت
ولو كنت أدور شر يا فتنة الجيل
دفنت سمّي بالكلام وتفننت
أقدر أقول إني معك اسهر الليل
وانك ليامن رحتي شوي حزّنت
واني بدونك شخص ما عاد به حيل
واحقق أهدافي ليامن تمكنت
لكن فكري من ورى الجدي وسهيل
عقل بدوي مهما درست وتمدنت