ينهل دمع العين مالموق عبرات
وش حيلت اللي مبتلي في زمانه
بي صدمتينن صابن الروح سكرات
خلي وصحبي والغدر والخيانه
لي صارلي ياناس مثل الروايات
حبيت شخصن مايعرف الأمانه
حبه تربع فالحشا بلا مخافات
وأوفيت له حبي وترسخ مكانه
ولي صاحبن ياناس زاد المعاناة
صحبي سرق مني حبيبي وصانه
فكري يعاني صدمة الحب بسكات
وربيع عمري صرت أرثي حنانه
رفيج عمري وصاحبي فالمسرات
باع اللذي بيني وبينه وخانه
ياكيف بهنى يابشر والوفا مات
وتبدلت افراح قلبي بمهانه