جزار

جزار...

يا طعم الانتظار...

ف الشك...

وبتختلف...

عن طول غياب...

بيقين... !!

ممكن سماك...

تطرح فرح...

بلا شك...

بس الغياب... ف الحب...

له قوانين... !!

وأنا بين نارين...

منهك...

وحلمى إندك...

من بعد...

ما اتخطى الغياب...

ساعتين... !!

ساعتين...

هيبقوا يومين...

وح يجروا...

وإزاى... ليالى البعد...

ح يمروا... ؟!!

وإزاى تعذب قلب...

وتضره...

مع إن كلمة... تريح القلبين... !!

غابت...

وسابت دمعتين...

ف كتاب...

وحروف قصيدة بتكتمل...

بالنزف... !!

مع وردة جفت...

تلعن الأسباب...

والهم راكن ع القلوب... "يتحف"... !!

عطرك ف إيدى...

وملو عينى عتاب...

إزاى وأنا اللى إخترتها من ألف... ؟!!

كات كل مرة...

ترد... وتبرر...

وبتختلق اعذار...

وانا بعذر... !!

كات كل مرة تحس بدموعها...

تسبق سلامها لقسوة المنظر... !! ا

كات كل مرة ترد فينا الروح...

من قبل سكينة الفراق...

ما تجز روحنا... ف بعدها

وتجزر... !!

وانا بنزف الحكايات

ع السطر يتوجع...

ويئن منها الشعر...

ويسمع... !!

وبيشكى للسامعين...

وجع حرفى...

لما أسأل التايهين...

عن العنوان...

ساعتين كتير...

على قلب متشفى...

ما بين غيابها... وكترة الأحزان... !!

حسيت بإن الدنيا دى...

إتعابت...

مالت...

معاها الشمس...

قبل غروب...

حتى الوجع...

من قسوته نابت...

على كتف ضحكة...

فوق شجر مصلوب... !!

وأنا قلبى متكتف...

بطول الأرض...

أصبح عذابى معاها

سنة وفرض...

حسيت بقهر الفرصة لو خابت... !!

وخسارة الأحلام...

ب سوء العرض... !!