يا بحر جيتك أسير.. الهم طاويني
جيتك مدامع.. مواجع.. جيتك أعاني
ببوح لك يا عسى انصاتك يسليني
تسمع حكاية غريب جاك وحداني
دنياي مركب متاهه.. مايقديني
والواقع الريح لايممت.. يعصاني
يا واقعي وين تعصف بي موديني؟
يكفي تعب ما يسدك كثر ما جاني
يكفي اغترابٍ عجز يقرأ عناويني
حاولت أصارع ولكن صار ما امداني
العذر يا بحر كانك ضايقٍ فيني
خلاص بروح واحمل عنك أحزاني
ودعتك البوح باللي بينك وبيني
مع السلامة.. ونأمل نلتقي ثاني
اهديتك حكايتي تغريبة سنيني
يمكن ليا الساحل اخلا يوم تقراني