كل الكلام ارتسم ف شفاهي سْكوت
نديمي الدمع في حفلة أنيني
وحيد.. في زحمة الآلام مكبوت
أشكي لِمَن؟... آه يا ضيقة كنيني
خلاص ما عاد حلمي يا زمن قوت
ضاع الرجا فْما بقالي من سنيني
ذاب الحزن داخلي وتْيبّس الصوت
خوفي ملكني.. وياسي معتريني
واقع ضبابي.. ولون العمر مبهوت
على صدى الخيبة: أصفّق يديني
ماهي مجرّد فُرَص أو ضربة بْخوت
وين الفُرَص؟ والبخَت وينه وويني؟
يذوب أدنى الكلام.. بْصدري يْموت
وحدي سوى الحزْن ما به من يبيني