يادروبي إحترت والنيه على وين؟
من غربتي يازمان التيه.. كافي
يكفي تشرد غريب.. بلا عناوين
يسأل وش اللي بقى من هم خافي؟
وكل الاجابات خرسى اقول: بعدين
وبعدين هذي متاهة فكر طافي
دنياي موج يتلاطم.. حلم غاوين
ضلت مرافي.. ودلتها منافي
هذي سنيني وعيت وماهي سنين
تشب حزني لهب.. والحظ غافي
تهديني آلام وأهمس بكره تزين
وان صار بكره ألم تهمس عوافي
استجدي الفرْح وبحسرة مساكين
من فوق مر السؤال.. الكل جافي
ياوقت كم ضقت قلّي منهو أدين؟
أدينك انتَ.. او ان الوضع هافي؟
بس الاكيد اني العايش الى الحين
في غربة التيه.. ودروبي سوافي
ابكي: كفى ياوطن احلام توطين
ملت تدل العمر.. مليت كافي