يا بخيل الوصل مالي في جفن عينك منام؟
فوق ضلعين المودة.. جرح وإحساس وصبر
ودي أغفى لو ثواني من على صدرك وأنام
كان باقي في حياتي.. صوت وأنفاس وعمر
لا يروح العمر تكفى … في معاتب أو ملام
ولا تدوّر في وصالي.. شك وأسباب وعذر
من عرفتك.. ما عرفتك يا بخيله في الكلام
عود موزٍ لو تثنى.. نقطف.. أشواق.. وثمر
وينه إحساسك وشوقك بأول دروب الغرام
وينه اللي كنت أظنه.. مالي الدنيا.. عطر
ليه رحتي؟ في وصالك لأخر دروب الظلام
فوق مركب من عنادك تالي دروبه.. هجر
سامح الله جرحك اللي عانق أطراف الغمام
لين هلت في المحاني.. دمع وجروح وجمر
ودي أغفى لو ثواني.. في جفن عينك وأنام
كان باقي في حياتي.. صوت وأنفاس.. وعمر