الحضور اللي بلا معنى.. غياب
والسكوت أحيان يذبحه الصبر
لو لقينا.. للمعاتب ألف.. باب
ما لقينا.. لحظة غيابك.. عذر
انكشف فيني من الجفوة عذاب
مت.. بس الموت ما خلا.. اثر
كنت أظن الحب مأمون الجناب
لين شفت اللي وراء الخافي ظهر
ما بقى من لهفتي.. غير السراب
ونور باقي لك.. مع شوية عطر
وجرح وهموم التوجد والعتاب
وجفن عينٍ شاب من كثر السهر
ليت قلبي من صروف الحب تاب
كنت خايف.. بس ما فاد.. الحذر
وش توالي الحب ودروبك.. غياب
هذا أنا جنبك.. وذابحني الصبر