يالله يا جالي عن الصدر الاوجاع
تجلي عن النفس الحزينة وجعها
دار الرحى واستوطن الجرح الاضلاع
باسباب شيٍ مر … عجل وفجعها
ما يجرح الذكرى سوى دمعة القاع
لا مر طاري اللي غيابه زجعها
يا عين لا تبكين دام الوفا ضاع
ماحدٍ درى عن حزنك اللي هجعها
قل للصبر وقف على باب الاوضاع
ثم انشد الورقا وش اللي سجعها
البارحة جفني على النوم ما طاع
ما طاع يدله من سبايب نجعها
حوّلت ادوّر لي مجاديف وشراع
وعوّدت حالي صابها من بجعها
يا رب يا جالي عن الصدر الاوجاع
تبري جروحٍ مبطية في وجعها
تركي بن
عبدالعزيز