فز الرياض بجيتك .. وانتشى الورد
وغنت معالمها طرب وضحكت لك
فاضت شوارعها من الشوق والود
قامت تبختر بالفرح ثم جت لك
حتى المطار اللي به القرب والبعد
فزت ممراته غلا .. وانتشت لك
يا مرحبا يا ناعس الطرف والخد
هاك القصيد اللي بيوته وفت لك
نوّرت قلبي .. قبل بيتك .. بلا حد
حتى شوارع حارتك .. صفقت لك
طبي على العارض وغنّي على الوجد
هذي ملامح سكتك .. نورت لك
صبوا لها من دلة الشوق ما عد
لعيونها صفر الدلال ارتكت لك
فز الرياض بجيتك وانتشى الورد
حتى معاليق الحشا صفقت لك
تركي بن
عبدالعزيز