وش طرى لك وانا اللي كنت ناسي
كل حاجة في نظر عيني ثمينة
كلما قلت انتهينا من مراسي
عودت ترسي على قلبي سفينة
آه يا ليل التجنّي … والمآسي
مرت الذكرى على نفسي غبينة
ما لقيت اللي على جرحي يواسي
غير صوره إجمعت بيني وبينة
كان صدري ممتليء هم ورواسي
لين طاحت كل حاجة من يدينة
علّم اللي يختبر عزمي وباسي
طابت جروح المدينة في المدينة
شف ثنايا ضحكتي من قو راسي
عقب ليلٍ درّس النفس الحزينة
عقب ما صار الخلايق ما تواسي
ساق ربي من على قلبي سكينة
لاح برق .. وهل ديم .. ولان قاسي
زاح غيم .. وفاح طيب .. ورف عينة
من بلاط الحكم والقصر الرئاسي
ما نشدنا عن خلي البال .. وينة
خذ زمام الأمر يالراس السياسي
ما خذينا من حياة الحب عِينة
وش طرى لك وانا اللي كنت ناسي
كل حاجة في نظر عيني ثمينة
تركي بن
عبدالعزيز