صوت المطر يشبه سواليفه العام
باقي صداها.. بين كسر المحاني
تنزل سواليفه على سمعي أنغام
ما هي سواليف البشر شي ثاني
واليوم مدري كيف ياخوي خزام
راحت مراويح السحب والأماني
كنه طفل عاش بتفاصيل وأحلام
ولا لقى عقب الأماني... مواني
مثل اليتيم اللي شكى حزن الأيام
إلين صار من الحزن.. ما يداني
البارحة صدري من الضيق ما نام
كلما غفى هزه قصيد.. الأغاني
على الورق نكتب معاناة.. الأقلام
من شان تخفي صوت كسر المحاني
حزة مطر... جابت سواليفه العام
مع الأسف.. كانت مجرد.. ثواني