بري حالي .. لا بدا الليل .. ونكف النهار
وانتشى جرحٍ من العام حاديه .. الظما
والتفت حزنٍ على القلب واهتز المسار
وارتما شيءٍ على البال .. عمره ما ارتما
اعتذر لك عن مصيرك … ولا فاد اعتذار
يا خفوقٍ .. كلما شاف … عوّد .. للعما
وآه يا صدرٍ من الضيق … ما حن الوقار
من كثر ما جاه طعنات ما عاد .. احتما
القضاض اللي بقى ..ما هدم باقي العمار
والعمار اللي بقى .. واصل حدود السما
جعل ربي ما يبدل على اهل الدار .. دار
دام باقي في ثرى العرق … ريضان ودما
احمد الله واشكره .. دامني صاحب قرار
ما تدوس الخوف رجلي ولو غيري .. زما
جعل صدرٍ خانه الوقت .. واختار الوقار
يرتوي له قلب من عام .. حاديه .. الظما
تركي بن
عبدالعزيز