الشوق لك ما له حدود ومواني

الشوق لك ما له حدود ومواني

بين العقل والقلب .. مرّه ومرّه

يحوس بين الذاكرة .. والأماني

كنه مسافر ما اخذ الوقت جرّه

تعبت ارتب لك مقاطع أغاني

اجمع كلام الحب واختار درّه

المسالة ما هي مجرد ثواني

أنتي معي في الوقت خيره وشرّه

أبسالك بالله .. شاللي خذاني

يم الطريق اللي اخافه وأمرّه

الحب ما له غير واحد يعاني

دايم نهايات المحبة مضرّه

جربت قبل سنين واحد أناني

راح وترك في الجوف طعنه وحرّه

واليوم كانك جيت بحر ومواني

تكفى طلبتك خافقي لا تضرّه

أنا أحبك حب عشق … وتفاني

مخلص وابي للقلب واحد يبرّه

مشتاقلك وأشواق قلبي .. تعاني

ودي أضمك بس لو كان .. مرّه

تركي بن

عبدالعزيز