أصعب سؤال، لو حد قاللي أوصفك
طبعا محال، علشان أكيد مش هنصفك
على كل حال، حلو الخصال ما ألطفك
وانا باختصار، محتار، بفكر أخطفك
أيوة بفكر أخطفك، وبعرّفك
ساحر خطير، ناعم مثير، فقت الحرير، في ملمسك
وعبير يطير، وعليك بغير، لو حد غيري اتنفسك
خمرك حلال، وف كل حال، مالك مثال، ما أظرفك
أصعب سؤال، يابن الحلال، لو حد قاللي، أوصفك
وانا باختصار، محتار، بفكر أخطفك
أيوة بفكر أخطفك، وبعرّفك
صوتك رقيق، طيّب برئ، وف أي شيئ، عملوك مثل
صمتك ظريف، وكمان مخيف، دمك خفيف، زي العسل
في عنيك سهام، بتقول كلام، حرب وسلام، يأس وأمل
ليل ونهار، كلي انبهار، من ميت سنة، وانا باعرفك
وانا باختصار، محتار معاك، وبعرّفك
والناس شهود، أنا هاخطفك، وبعرّفك