سألوني عليكي سألوني
ولاموني ف حبي وجرحوني
علشان بهواكي يا روح قلبي
يا مصر يا أغلى من عيوني
سألوني عليكي، وقلت لهم
انك غنيوتي، وموالي
وفتحت القلب ووريتهم
صورتك مرسومة وبتلالي
دا هواكي علمني أغني... علمني يا مصر
والقلب في حبك متهني... متهني يا مصر
أفديكي بقلبي وعيوني
سألوني عليكي سألوني
سألوني وقالوا اوصفهالنا
قلت لهم حتة من الجنة
فيها خضرة ومية ووجه جميل
وقلوب عشرية رواها النيل
مين يقدر يوفي بأوصافها... دنا بلدي مصر
يعرفها صحيح اللي يشوفها... الله على مصر
أفديها بقلبي وعيوني
سألوني عليكي سألوني
مصر الأهرام والنيل والخير
مليانة جوامع وكنايس
وف أي مكان هتلاقي كتير
فلاح..ومصانع.. ومدارس
وسواعد بتعللي وتبني... بتعللي في مصر
وبلابل طايره.. بتغني... بتغني لمصر
أفديها بقلبي وعيوني
سألوني عليكي سألوني