الو لا يجي وما ينذكر لو غاب

گالو لا يجي وما ينذكر لو غاب

وگلت المايجي وكت الشدد ينعاب

واجيت ومنتصر من بعد ما طبيت

وحيد بمعركة ما حاسبلها حساب

وانه تراجعت بس ما چنت خسران

بأخير الوتر واگف چنت بالنشاب

السولف بالظهر يدري المگابل موت

ضد أهله اليطب بمعركة بنگاب

وعلي لو ما العشرة البينا والزاد

نزعل زعل ميت ما يفض بعتاب

چا صار الحچي نيشان ضد نيشان

مگابل بالوجه مو طين احط صواب

أنا گد ما رفعته من الغمد للروس

أنا صاحب السيف الما يچدله گراب

وراعي الغانمة والمامدنك الهام

شايب بالمضايف وبزمرهن شاب

تتنفس عناد جروحنا واطيب

لحد ما تطفى بيهن جمرة العطاب

ولو وقع السيوف بقوة الچلمات

وتتساوى الحچاية وچيلة الطلاب

القوي مو بالسلاح وعرض الچتافات

ضعيف البنيه بس شكد قوي السياب

حگهم من نجي ما يظل ليهم راي

كلها تسولف بظهره القوي لو غاب

گالوا طاح.. كتلهم دمع لحسين

من يطيح هوَّ وصاحبه ينهاب

چنت واگف وراهم چني ما موجود

والتفتولي من طاري الكرامة انجاب

وعلى گد السلام وياهم ورديت

عزة نفسي چانت ناطرة اعلى الباب

طرت والهسه ما حطيت فوگ الغيم

چنت صگر الجبل بس حط عليه غراب