شهر وعيوني تفضح لجلك اسرار
وطبگ صوتهن مو فقط تلميح
تجي وادير وجهك دسمع الصوت
وراك عيوني ارجع ظلت اصيح
ولو ما اصبرهه بيمكن يعود
الدمعه وداعتك بس اصفن اطيح
نسمة بمرتك بس تحرگ الروح
چن جمرة وتشب لو هبت الريح
يبلسم كل جرح ما حاصل ادواه
ترف بس بصدودك عني تجريح
فوضة بالي ظلمة وطبتك نور
اللوحة الداكنة تضيفلهه تفتيح
هلا ولاتدگ باب الگلب من جام
ضوة انت تمر خلالة بلا مفاتيح
خايف افتح العگدة واحاچيك
وتردني بسالفه للشامت تريح
وعيني اعليك تربي وغارگة دموع
مثل عين اليتيم اعله المراجيح