تره ما يسوة صدگ توگف وياه
ذاك الطعن بيه وچنت حاضر
ظنيتك تردة وما تماشيه
وهم ثاريك والخاواك خاسر
خنجر ثاري طبعك والغدر بان
شفت منك عكس ما انت ظاهر
ولو طعناتي گد ما صاحبت ناس
يلا انت مثل باقي الخناجر
بگد دگات گلبي جروح الاحباب
كسرو خاطره وما كسر خاطر
ونعم كلي جرح من جدمي للراس
وعلى حالي فلا مجبور اكابر
جرح بچه العدو، بس شايل احساس
اغطي حته ما جرّح المشاعر
وعليت انت وفرق ما بين الاثنين
علو الدخان عن علو المناير
طرت من خفتك بس احذر الريح
عبالك تظل للدوم طاير
عگب ما چنت سيف بساعة الضيج
علم ابيض صرت فوگ السواتر