اريد انساك وآنه بذكرك اشتاگيت
شلون انسه وصورك تارسات البيت
ونزلت البيتي الباقيات شلون
انت ابراسي الف البوم الك خليت
شلونك لا تگلي شلوني متانيك
گتلك لا تجيني وبس رحت تانيت
اقشمر گلبي عود بغيرك وانساك
واجيت وناس من عيوني الك صبيت
اشمن ريحتك من اطب كل بستان
وذميت البلابل من الك حنيت
صحو والحد نعاسي اگبالي اشوفك طيف
وحته بنومتي بطيوفك تغطيت
شمعة بعاصفة عشرتك وبچفين
حفظت النار خاف تگول ما داريت
على كد ما يدك كلبي الك دكات
بية وعلى الباب وبيك ما دكيت
منگول انساك اگابل صورتك وانعيك
ام مگابله اوحيدهه لكن ميت
وترجع مثل رجعة نفس للغرگان
اذا سميت بالله وللصدگ رديت