الله شاهد
انه من گتلك احبك چنت صادگ
يل ثلج وجهك ترة لتظن اغشك
الله شاهد لون گلبي بلون وجهك
يل سوالف صفنتك كلهه افتهمهه
يا قصيدة...
وضحكتك بيت القصيد
انة اظل ممنونلك چي لسه عايش
من متت شوگك ندهني
واني مامل انتظارك
لان حته بغيبتك كلك محنه
تدري بيه
اشعر بنشوة منهل دمع اشتياقي بليل شوگك
انت وحدك واهسي وللدنية بعدك مالي واهس
انت عدي الناس كلهه
وغيبتك تترك فراغ بگد غربتك
ووحشتك محد يسدهه
وانت تدري...
اني غيرك ما اشوف
ودونك اعمة
الا اشم نسمة هوة مرت عليك
وما اگلك لا وحقك
لو تحط ملح السوالف عالجروح
الغزر ابال السمعهن
الهوة الينده زلوفك
من يعديهه ويمرني اطيب كلهه
وانت وينك؟؟؟ من أگلك
رد علية بگلبك وتلگاني ظلك
وبين ادية وحرت بيك منين اشمك
الترافة الي بخدك... بيك كلك
وصفنتي الشيبت بس من نظر عينك
عدهه واهس تصفن بجملة صفاتك
انت شعرك ليلة العيد اعلة جتفك
لا تنثرة گبال عيني جروحي فقرة!
انت يل كل ذكرة من عدك تراث
شما يمر بيهه الوكت ترجع جديدة
كعبة الفراشة گمرة...
ليش ما طافت على خدودك فراشة؟
وما يكفي... لو اگضي الشوفتك كل عمري شوگ
الله شاهد اني احبك