طبع بينة نسابگ دمعة العين
ونضحك گبل لا ينزل دمعنه
وننكر غيضنه اعلى الينكر الطيب
نجرح غيرنه مو من طبعنه
على الطيبة نشيد الطيب ويطيح
وبعدنه الهسه نبني وما جزعنه
بصبر للناس نشعل بالهوه شموع
ويجي البطران ويطفي شمعنه
زرعنه ومن حصدنه هموم بهموم
وما دورنه غش وي الخدعنه!
شرينه همومهم بدموع العيون
ومن همومنه ما يوم بعنه
عسل من عدنه چانو ما يجرعون
واحنه شكثر من مرهم جرعنه
عابوا زادنه المن سفرة الطيب
واكلنه الحنضل الحد ما شبعنه
وترى خسران كلمن عافنه وراح
متعافي وجفاه بغير معنه