هوه قلبك لسه برضو
مش عايزني جنب منك
وأعمل ايه كل ما اقابلو
بالتقيه يبعدني عنك
ياحبيبي ياللي قلبك
كان يسامحنى وينسى
غصب عني غبت عنك
ليه يعاندني ويقسى
والا قلبك شاف له قلب
وسابني للحرمان اقاسي
والغرام ده اللي مابينَّا
انت فاكره والا ناسي
كل لحظة تفوت عليا
وهوه مش عايزني جنبك
ابكي فيها الدمع لكن
رغم دمعي ماحن قلبك
قوللي آخرة صده ايه
قوللي والحرمان ده ليه
طبعه كان دايما يسامح
والنهارده جراله ايه
عايزه اعرف حاجة منك
هوه باعني وانتهيت
رغم إني عارفه ردك
رغم حبي.. اتنسيت
رايحه اسامحه
زي ماكان بيسامحنى
وانسى حبه
وانسى يوم كان فيه جارحني
روح وعيش قلبك خلاص
اختار طريق غير الطريق
أما أنا ايوه أنا
أنا عارفه مين هوه الصديق
رايحه آخد خطوتي
والوحدة والحرمان معايا
واللي كان يجمع مابينا
انتهى وضاع من سمايا