هيه الدنيا ح تعرف تدي
ود وحب يا كل الناس
وانت بعيد عن عيني ياقلبي
ومشربني مرارة الكاس
دانت ف بعدك ناري بتكبر
وبيركبني ميت وسواس
بكرة ح تيجي والا ح تفضل
ناكر حب معاه إحساس
وان حسيت ان انت بايعني
يبقى الحب مالهوش أساس
وان الحب دا اكبر كدبة
وصدقناها يا اغلى الناس
واسمع مني وبلغ عني
وانا باعلنها بكل صراحة
لو بصيت مالقيتك جنبي
مش ح تشوف أوقات للراحة
ولا ح تشوف غير طيفي قصادك
جاي وبياخدك من أحلامك
تبقى ساعتها تحس بذنبك
ولا ح تشوف النوم ف بعادك
أحسن حاجة تعالى طاوعني
وأشوف حل لبكره معاك
يبقى ساعتها ح نقدر نحكي
وآخد وادي واقول وياك
ونشوف ايه اللي مخليك
تظهر ليا مر جفاك
آخر كلمة تعالى ياحبي
خدني معاك وبكل رضاك
يمكن أكون أخطأت ف حقك
ح اتأسف لك أصلي بحبك
وامسح دمعة عين جرحتني
جرحت قلبي عشان بهواك