يا غالية
أنا عايش في أحلامِك
وأيامِك مصحباني
تقوللي إمتى هاتهللي
أقوم وأهرب لأحضانك
وقلبي من اللقا يفرح
ويسمع أحلى أنغامك
يا قمره والحيا طبعك
يا روضه مفتحه أزهارك
يا جنه سكنتها بروحي
وعشت معاكي أسرارك
أشوفك في الضحى بدري
تصحي الطير على أغصانك
يردد غنوه قولتيها
وأنا هايم في الحانك
وأشوف حسنك يغازلني
ولون الورد في جمالك
الاقي عبيره يسحرني
يسامر قلبي بأهدابك
أنا يا غالية مقسوم لك
وحابقى يا غاليه راسمالك
يا ست الكل ضميني
على صِدرك وحبيني
دانا غرقان في أفكارك
تعالي ويالا شديني
هأعيش الحلم في منامك
وجوه عنيكي غطيني
وأنام وأصحى على صوتك
وأتاري الصوت بيحييني
وأشوف حسنك يغازلني
ولون الورد في جمالك
ألاقي عبيره يسحرني
يسامر قلبي بأهدابك
أنا يا غالية مقسوم لك
وحابقى يا غالية راسمالك
يا وعدي لو تطاوعيني
ونبقى ف جنه وحدينا
ما لاقي إلا أنا وانتي
ونبني بيت يقضينا
يا جنة منورة الجنة
وروض الزهر حوالينا
ناخد منه ونديله
كلام ف الحب يحيينا
وبلبل ع الغصون يشجي
بغنوه يقولها تشجينا
ونجمه في السما تشوفنا
من الفرحة تحيينا
وتبعت نورها م المغرب
عشان في السكة تهدينا
يا فرحي لما أنا وانتي
ندوب ما نحس إيه بينا
وافوق وألقاكي جوايا
تقيدي شموع ليالينا
يا سكنة ف قلبي إيه رأيك
د قلبي المرسى والمينا
هوانا حكايته ده حكاية
ما عاشهاش حد قبلينا
ولا تحلم قلوب تانية
تعيشها برضو بعدينا
أشوف حسنك يغازلني
ولون الورد في جمالك
الاقي عبيره يسحرني
يسامر قلبي بأهدابك
أنا يا غالية مقسوم لك
وحابقى يا غالية راسمالك