يا خسارة يا ألف خسارة
على عمري اللي ضاع ببلاش
على خلِّي اللي كنت باشوفه
عن حبي ما يستغناش
على فرحة انتهت من بدري
على قصة ماكمِّلهاش
يا خسارة يا ألف خسارة
على عمري اللي ضاع ببلاش
كان هوه اللي كنت أتمنى
كان هوه النعيم والجنه
كان أملي في بكره وبعده
كان فرحي اللي بيه باتهنا
واتغير ما بعرف ليه
ولا بعرف نسيني ليه
وآهو جاني وندهلي وقاللي
أنساه وأنسي أفكر فيه
ويا ريته ما كان يندهلي
والكلمة ما ينطقهاش
يا خسارة يا ألف خسارة
على عمري اللي ضاع ببلاش
وف مرة قابلت أصحابي
سألوني عن اللي خلا بي
خبيت الدموع ف عنيه
وقلت لهم أعز أحبابي
وقالوا لي بتكدبي ليه
شايفين الخيانة عليه
مع انك بتخلصي ليه
والخاين ماقدرهاش
وبكيت بس غصبن عني
والدمعة ما خبيتهاش
يا خسارة يا ألف خسارة
على عمري اللي ضاع ببلاش