أم رانيا
ياعاشق الورد لجماله
ولعبيره...وغصن بانه
يجى يوم ينشف ف عوده
والخريف... ينعى الربيع
والأريج يفوت... وروده
عاشق الورد
الورد ياسيدة
عايش ف قلبي زمان
والورد ياسيده
أصدق من الخلان
لاعمري شوفته بينكر
ولا عمره كان خداع
ولا مرة وعدني وخلي
وسقاني م الحرمان
أم رانيا
ياعاشق الورد إيه يفيدك
لما تسهر أو تلالى الليل
لوحدك
مش حرام؟!
يوماتى عايشلك ف حال
تكتب غناوى للغرام
وتقضى ليلك بالشوق
تناجى والموال
وقال إيه يقولوا خالى بال
مش حرام!
عاشق الورد
مين غيره ياسيده
يقدر على عشقي
من غيره ياسيدة
لما يضيق خلقي
القاه يجيني يطبطب
بشويش على كتفي
وان شاف دموعي بتنزل
القاه حزين يبكي
وتقولي ياسيدة
الحال ده والله حرام!!!
واكتب غناوي واقول
والله زمان ياغرام
قوليلي اكتب ايه والدنيا غدارة
وكل ساعة ويوم بالقاها جبارة
حرمتني من صحتي
والجرح كان قاسي
وفضل معايا الجرح..
آااااااااااه آه ياخسارة
أم رانيا
كل يوم تعشق عيونك
للورود
تسهر يوماتى بالأمانى
والوعود
تبنى القصور..تحلم تنول
تقول حيوفى ياليلى طول
عاشق الورد
وعيوني ياسيدة
عاشقة لكل جميل
وقدري ياسيده
للورد احب واميل
اسهر معاه الليالي
واكيد حيسمعني
واحكيله انه خلاص
قرب يودعني
احكيله من حرقتي
وابكي واقول يارب
خليني عايش ف حلمي
والعمر يبقى طويل
أم رانيا
ايه يفيدك؟
وانت خِلك مش داريبك؟
دالحبيب اللى يصدك
مش حبيبك
والنصيب اللى لغيرك
ياصديقى مش نصيبك
والله حرام
تبقى دايب فى الغرام
انت عارف الغرام
إثنين سوا...
روح.. توافق وإنسجام
وأنتَ ياعينى عليك
يوم تناجى الشوق فى ليلك
ويوم ياصاحبى تشتاق تنام
مش حرام
عاشق الورد
قوليلي ياسيدة
افضل اعيش مهموم
والفكر ياخد ويدي
م الفرح اعيش محروم
ايه اللي حيضرني
لما اعيش واحب
ايه اللي حيضرني
لما اعيش مغروم
مايهمنيش
ازاي احب ومين احب
المهم اني اعيش
لو حتى لحظة احب
أنا خلاص مقتنع
وراضي بنصيبي
ونصيبي زي العسل
ساكن زمان في القلب
قوليلي ياسيدة
الحب اصله حرام؟
جاوبيني ياسيدة
الحب ده اوهام؟
للحب سر مايعرفه
غير اللي عاش للحب
أم رانيا
ياصاحبى إصحى
المشكله عندك عواطف
تعشق جميل والجميل
بثانى...لايف
ده كتير...عليك
والله حرام!
عاشق الورد
خلاص بقت مشكلة
وكان السبب حبي
ياااااااااااه على قسوتك
في الحكم على قلبي
وقلبي زي الطير
عمره ماكان خداع
والناس بتخدع وتخدع
تكدب وبتخبي
وزي ماقلت لك
انا قلبي زي الطير
طاير في دنيا المحبة
والذنب مش ذنبي