ياللي اديتني
ياللي اديتني ماخليت عندك
تسلم ليا ياقلبي وعيني
ياللي تماللي واخدني ف حضنك
آه ياني منك يامدفيني
ياللي بافكر فيك وبحبك
آه م الحب اللي بيكويني
ياللي سقيتني كتير من شهدك
هات لي الكاس اللي بيرويني
واما تشوفني سكرت ياقلبي
هات لي حنانك قوم غطيني
بس ياروحي مابعرف أنام
عارف ليه النوم مجافيني
خايفه لنام والاقيك مش جنبي
أو القاك لثواني ناسيني
والا خيالك ياخدك مني
وانت الحب اللي بيحميني
أو الاقيك مشغول مع واحدة
والله ماسيبها تهد عريني
يبقى ازاي راح انام وأغمض
وانت تماللي اللي مصحيني
لكن يمكن انام لو شلتك
عندي وخدتك جوه عيوني
يبقى ساعتها ماتقدر تهرب
أصلي قفلت عليك بجفوني
مانا لو نمت ح اشوفك برضو
وانت معايا اسقيك بحنيني
وابقى أنام وأطمن قلبي
وابعد واطرد كل ظنوني
شفت ازاي الحب مابينا
وازاي حبك دا مهنيني
كل ماشوفك باحمد ربي
إنو اداني اللي مكفيني