ياللي تشوف الدمع ف عيني
إوعى تفكر إني حزين
دمع الحزن اناعمرى ماشفته
أما الفرح عيون سايحين
دمع عيوني غالي عليا
بس بيرخص للغاليين
وانا والغالي بحر محبه
طيب قوللي ابكي لمين
الا ف عمره مايوم زعلّني
واما يشوف حد مزعلّني
يجري عليا يطيب خاطري
تلقى الضحكة بتطلع مني
أفضل أضحك وبصوت عالي
يضحك برضو تقول مجانين
شوف ازاي الضحكه أهي عاليه
أما عيوني انهار جاريين
ياللي تشوف الدمع ف عيني
إوعى تفكر إني حزين
عيش الدنيا وعيش أيامك
وانسى همومك والأحزان
إيه راح تاخده من أحزانك
خليك دايما كده فرحان
حب الدنيا وعيش متهني
تلقى الدنيا حضن أمان
واضحك وافرح قد ماتقدر
تلقى دموعك دول نازلين
ياللي تشوف الدمع ف عيني
إوعى تفكر إني حزين
مع تحيات
عاشق الورد