كنت بسأل كل مرة
شفت فيها طيف خيالك
مين دي بس اللي بجمالها
خلى عقلي مش معايا
رد قلبي بيجاوبني
هيه دي اللي مقسومالك
هيه دي اللي غطى نورها
كل افراحي وهوايا
والقى نفسي بتحاسبني
انت إيه اللي جرالك
لما عشت ايام بطولها
وانت مش سامع ندايا
انت لو بس تطاوعني
روح لغيها وخد ف بالك
اما تبقى معاها خدها
جوه قلبك ف الحنايا
حتى عيني بتكايدني
لما شافت نور جمالك
من يوميها ناسيه نومها
وجاتني تحكي من البداية
والعين عيوني
اللي شافت حسنها
والقلب قلبي
اللي حس بهمسها
والنفس نفسي
اللي حبت رسمها
أما اللي خلت كل دول
رهن لإشارة منها
هوه انتي ياللي في كياني
صاحية نايمة للنهاية
ياللي وحدك ساكنة قلبي
مانتي حبك غير طبيعي
طب تعالي بس جمبي
ياورده ناديه في ربيعي
أول المشوار معاكي
وآخرة المشوار كمان
كلمة الحب اللي عندي
عايز اقولها واعيد كمان
ياللي روحك حته مني
ياريت قابلتك من زمان