في يوم في ساعة سحر
بين الضلام والنور
بصيت بشوق للقمر
وانا عقلي بيه مبهور
ونجوم في وسط السما
تشبه درر مبدور
ماهيش نجوم انما
دي وشوش بنات الحور
حاولت اطير للسما
اصلي بهم مسحور
وركبت موجة هوى
عديت معاها بحور
ووصلت أرض الهنا
بستان وكله زهور
سمعت فوق الشجر
غنوه بصوت عصفور
وسمعت صوت الشجن
من ساقية كات بتدور
فِرحِت عيون اللقا
والقلب بات مسرور
سرح خيال الهوى
أصلو كمان معذور
الحلو كله اجتمع
حواليه داير مايدور
ولا كان ف يوم يفتكر
إنه قدر مقدور