سيبك مني
مالكيش دعوه بيا نهائي
ابعدني عني
لحسن قتلك هوه دوائي
سيبك مني وابعدي عني
عمري مانبقى ف يوم احباب
ولاح تكوني قريبه مني
زي زمان أو نبقى صحاب
اصلي كرهتك
واتمنيت ماسمعش لسيرتك
واشطب اسمك
وامسح أي خيال من صورتك
قلة أصلك دي خلتني
اكره نفسي واشطب اسمي
وانا من خيبتي ناولتك قلبي
حتى شربتي خلاص من دمي
واما لقيتك تهربي مني
وتعملي كل اللي بيتعبني
جيت وسألتك ليه انكرتي
والا الغدر ف أصلك يعني
شوفي ازاي اتغير حالي
شوفي ازاي بعد اللي جرالي
كنت بحبك حب العالم
كنت بصونك والله العالم
لكن غدرك غير طبعي
وخلى الحقد ف قلبي الحالم
كنت اتمنى نكون اصحاب
نحكي لبعض عن الأحباب
والقي بعد شويه ترقي
والقى الحب يدق الباب
لكن اعمل ايه وانا شايفك
جامعه كل القسوة ف طبعك
عاملة زي الموج غداره
وانا جربت الموت من غدرك
كنت بحب الناس واعشقهم
كنت بحب ان افرح بينهم
لكن بعد ماخاب فيكي ظني
انا دلوقتي خلاص باكرههم
داللي ما بيني وبينك ضاع
مش حنعيش ابدا ف خداع
انتي ظهرتي بقلة أصلك
وانا حرمت واقول ياوداع