هوه إيه بعد الرحيل
هوه إيه بعد الغياب
غير ان قلب اتنين حبايب
حيعيش في دنيا من العذاب
تختفي الفرحة ف عيونهم
ويسطروا الحزن ف كتاب
ومايعيشوش الا بدموعهم
ومايشوفوش الا السراب
والخطوة تحدف يوم يمين
والخطوة تحدف يوم شمال
ولا حد يعرف همه مين
ولا حد يعطف بالسؤال
الا قلوب عاشت عذابهم
الا أماني صعبه المنال
الا ليالي بكيت عشانهم
واتذكرت يوم الوصال
قبل الرحيل كانت حياتهم
ود ومحبة وانسجاااام
حتى الطيور كانت عشانهم
تتغنى باطياب الكلام
كل العواطف كانت مابينهم
تحضن قلوبهم بالغرام
والحب كان سحر ف عيونهم
دايما بينطق بالهيام
واتغلب الليل ع النهار
واتبدل الحلو بمرار
والضحكة ماتت م الألم
والفرقة كوياهم بنار
وقفت قلوبهم ع الطريق
بيضمهم صمت الحوار
كانت نهاية حبهم
لما الرحيل كان القرار