بعد ايه
بعد العمر مافات بتفكر
ترجع تاني تشوف أحبابك!
بعد العمر دا كله راجعلي!
شوف ازاي اتغير حالك
بس خسارتك حالي اتغير
حبيت غيرك ونسيت ودك
كنت زمان مقدرش افكر
ازاي أهرب وابعد عنك
كنت الدنيا اللي بعيش فيها
كنت باشوف الجنة ف قربك
اعمل ايه مانت اللي نسيتني
عايز مني أحفظ عهدك؟
طيب قولي قلبك فين
جبت القسوة دي قولِّي منين
أصلى انا عارف دقة قلبك
قبل ماتضرب رايحة لمين
كل ده كان من قبل ماتبعد
واما بعدت بعدت سنين
جاي دلوقتي تعيد أيامك
أو تتذكر فين أحلامك
ارجع تاني وانسى غرامك
من دلوقتي وشوف قدامك
قبل ماتمشي ح اقولك كلمة
شوف ازاي ايه اللي جرالك
بعد العمر اكيد حتفكر
تفضل دايما بين احبابك
حب وحافظ ع اللي يحبك
تلقى الكون كله ف أحضانك