زيك زي الناس دي بحالها
ايه ف كلامك يفرق عنهم
والا فاكرني بكلمة تقولها
بتخليك عندي ف أولهم
لأ ياعنيه افضل في مكانك
أنا مش سهل عليه اصدق
ولا ح استنى ياخدني غرامك
والقى القلب ف حبك يغرق
د انا حرمت أصدق تاني
أي كلام ف الحب يجيني
بعد ماجبت الجرح لقلبي
بعد ماجبت الحزن لعيني
كنت باسلم عقلي وقلبي
للي يقوللي كلام له معنى
كنت بادوب من أول كلمة
واشعر بيها إنها مغنى
بس خساره كله مزيف
وان الحب مجرد لعبه
بعد ماشفت الظلم بعيني
بعد ماجرحوا القلب بكدبه
عايز ايه من قلب اتحطم
سيبني ف حالي وباللي انا فيه
دور غيري ابعد عن قلبي
خليني اشوف حاجه تنسيه